बिहिबार, ०९ माघ २०७६
Thu, 2020-01-23
Open Nav

उखु किसानप्रति समर्पित केही मुक्तकहरू

  • 158
  •  
  •  
  •  
  •  
  •  
  •  
  •  
  •  
    158
    Shares
२२ पुष २०७६, मंगलवार उखु किसानप्रति समर्पित केही मुक्तकहरू
Spread the love
  • 158
  •  
  •  
  •  
  •  
  •  
  •  
  •  
  •  
    158
    Shares

 

मुक्तक -१

कतिछन् कतिछन् छलछाम यहाँ
दिलमा छ छुरा मुख राम यहाँ
छलकै छ कथा कविता छलकै
छलमै खुसछन् घनश्याम यहाँ ।

– कोमल भट्ट
हाल : अमेरिका

…………………………………………………………

मुक्तक -२

सामान आफ्नै, मूल्य सधै अर्काको हुन्छ
उधारो लिन्छ, माग्न जादा थर्काको हुन्छ
जिउनलाई,पसिना बगाउछ बञ्जर माटोमा
किसान हो ऊ भन !अन्त भर काको हुन्छ !!

– सर्गम राना
नेपालगञ्ज, बाँके, नेपाल ।

…………………………………………………………

मुक्तक -३

कति नेपाली विदेशमा, पचास डिग्रीमा डढेका छन्
तिन्कै पसिनामा रमाएर, कोही पजेरो चढेका छन्
बडाको मनै सुध्रिँदैन, चेतना कहिले नि उघ्रिँदैन
जता हेरे नि मुलुकभित्र, गरिबमारा बढेका छन् ।

✍ गोम बिक्रम
कल्लाबारी, पाल्पा ।

…………………………………………………………

मुक्तक -४

तराईमा उखु खेती गरे किसानले भन्दै नगदे बाली
उखु मिल मालिक धनी किसानको खल्ती खाली
मज़दूर किसानकै सरकार छ किसानकै रूवावासी
किसान रुन्छ देशमा मालिकको छ हाली मुहाली ।

– एस आर मंजरी ओली
हेटौंडा ।

…………………………………………………………

मुक्तक -५

लाग्छ सिंगै देश नै आफ्नै बाबुकाे बिर्ता ठानिरहेछन्
नागरिक यहाँका साेझा सबैलाई भेंडा ठानिरहेछन्
कति छर्छाै भ्रम कति हेर्छाै दुर्दशा ए शासकहरू हाे
लाग्छ, यिनले त आँशुलाई पनि तमासा ठानिरहेछन् ।
– विनोद नेपाल
पोखराथोक पाल्पा ।

(बिभिन्न मुक्तककारका यी मुक्तकहरु साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram)  मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)

यो पनि पढ्नुहोस :   गन्तव्य मुलुकसँग श्रम समझदारीको प्रयत्न भइरहेको छ : श्रममन्त्री विष्ट

Leave a Reply

Your email address will not be published. Required fields are marked *

हाम्रा सहकार्य