५, माघ २०७६
छन्द : शार्दूलविक्रीडित
अामाले ममता मिसेर जलमा उर्जा मुछेकाे पिठो
भाे चाहिन्न पिजा अरू मुलुकको राेटी मकैकाे मिठो
चट्नी चट्ट पिरो जिरा र धनिया नाैनी लगाए मिठो
मेरा उच्च हिमालका जडिबुटी छुर्पी चपाए मिठो
पिस्दै मस्त उबाउटाे गहतकाे डुब्का डुबाए मिठो
मेथी, टिम्मुर ,जिम्बुले ,लसुनले तड्का लगाए मिठो
सिस्नाे साग , ढिँडाे मुछेर घिउमा चाहिन्न भाे बर्गर
मेरा अन्न पहाडका बल दिने निर्धाे यहाँ काे छ र
ढिक्री साथ अचारमा बयरकाे सिध्रा भुटेको मिठो
माछा अाै गँगटा मुसा र भुसुवा घाेँगी उमाले मिठो
गाेब्दा अण्डिक भात साथ बरिया सिन्की सुकाए मिठो
मेरा अङ्ग समस्थ तागत दिने स्वादिष्ट ज्यादै मिठो
चाेखाले ,ठकुवा , पुरी र खिचडी तारी तरूवा मिठो
भान्छामा भुसुवा र खीर , मुरही मिष्टान साह्रै मिठो
चुर्लाई तिलकाेर सातु र बरी जिब्रो रसाई दिने
मेरा सम्म मधेस फाँट हरिया हीरा फलाई दिने
लाभापालु ,टुचा , तखाः र कचिला बारा मिठो याेमरी
मार्सी चामल दाल मास मसुराे ढाप्रा मिठो बेसरी
नेपाली पकवान गाउघरकाे राख्ने भए चाहना
मिल्ला स्वाद थरीथरी किसमकाे बन्ने भए पाहुना ।
- अजयमेरु -३ डडेल्धुरा ।
(लाेकविक्रम मल्लको यो कविता साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram) मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)
प्रकाशित मिति :माघ ५, २०७६ आइतवार -
१०:४६:३२ बजे