शुक्रबार, ०९ फागुन २०७६
Fri, 2020-02-21
Open Nav

आमा हाँस्छिन् (कविता) – गंगा लिगल

२९ माघ २०७६, बुधबार आमा हाँस्छिन् (कविता) – गंगा लिगल

 

नदीको पानी अति चोखो मान्छन्
त्यसमा सबैले फोहर फाल्छन्
प्रत्येक बुँदले महत्त्व राख्छ
किनकी यो निरन्तर बहिरहन्छ ।

आमाको माया अत्यन्त चोखो
किनकी यो सदा आदर्शको भोको
त्यसमा कस्मल लेश छैन
राग ईर्ष्या र द्वेष छैन ।

सदा वात्सल्य प्रेम भरिएको
ममताको हात पसारिरहेको
स्नेहले सधै सधै चुमिरहेको
सदा पवित्र माया पोतिरहेको ।

सन्तान सधै खुशी भएमा
धर्तीको रुपमा आमा हाँस्छिन्
तिनलाई दु:ख कष्ट भएमा
पीडा जलनले रोई हिँडछिन् ।

आमाको माया बुझौं सबैले
एक अर्कालाई नपिरोलौं कसैले
तिनको मुहारमा मुस्कान ल्याऔ
तिनकै आदर्शले धर्ती सिंगारौ ।

– सिद्धार्थनगर नयाँ सडक – ७
हाल : भैरहवा, नेपाल ।

 

(-गंगा लिगलको यो कविता  साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram) मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)

यो पनि पढ्नुहोस :   चट्ट रुमाल क्या मालुम सम्मानसँगै सार्वजनिक

Leave a Reply

Your email address will not be published. Required fields are marked *

हाम्रा सहकार्य