शनिबार, १५ चैत २०७६
Sat, 2020-03-28
Open Nav

मकवानपुरको विकट गाउँमा विश्वसुन्दरी

२९ फाल्गुन २०७६, बिहीबार मकवानपुरको विकट गाउँमा विश्वसुन्दरी

हेटौंडा, (नेस)। विश्वसुन्दरी आफ्नो बिरानो गाउँमा आउलिन् भन्ने कल्पनै नगरेका मकवानपुरको विकट कैलाश गाउँपालिकाका स्थानीय गाउँमै विश्वसुन्दरीलाई देख्दा दंग परे। वडा–७ को विकट बस्ती तामलाङ गाउँमा मिस वल्र्ड–२०१९ सहितको टोली पुगेको हो।

कैलाश गाउँपालिकाले मिस वल्र्ड टोनी एन सिंह र मिस वल्र्डकी अध्यक्ष जुलिया मोर्लेलाई चिनोस्वरूप मकवानपुर चिनाउने ठेकी उपहार प्रदान गरेको थियो। जमैकामा सन् १९९६ फेब्रुअरी १ मा जन्मिएकी टोनी ९ वर्षकी हुँदा उनका आमाबुबा अमेरिकाको फ्लोरिडामा बसाइँ सरेका थिए। उनको बाल्यकाल र स्कुल कलेजको पढाइ अमेरिकामै भएको हो।

ओमेन स्टडी र साइकोलोजीमा फ्लोरिडा स्टेट युनिभर्सिटीमा मास्टर डिग्री गरेकी टोनी सामाजिक कार्यमा पनि आबद्ध छिन्। उनी सन् २०१९ मै मिस वल्र्डसँगै मिस जमैका वल्र्ड–२०१९ की विजेता पनि हुन्। तामलाङस्थित ङिको स्वास्थ्यचौकी अवलोकनका लागि मकवानपुरकी चेली मिस नेपाल–२०१८ शृंखला खतिवडा, मिस नेपाल–२०१९ अनुश्का श्रेष्ठ र मिस नेपालका आयोजकहरू गाउँ पुगेका थिए। अतिथिहरू तामलाङ पुग्दा कैलाश गाउँपालिका तथा स्थानीयले गरेको स्वागत हेर्नलायक थियो। तामलाङमा ङिको स्वास्थ्यचौकी मिस नेपाल–२०१८ विजेता खतिवडाले निर्माण गरेकी हुन्। मिस वल्र्ड च्याम्पियनमा नेपालका तर्फबाट प्रतिनिधित्व गरेकी खतिवडाले ब्युटी विथ पर्पोज विधा जित्न सफल भएको स्वास्थ्य चौकी मिस वल्र्डका आयोजकलाई अवलोकन गराइएको थियो। मिस नेपाल–२०१८ शृंखलाको पहलमा मकवानपुरको विकट कैलाश गाउँपालिका ताम्लाङमा स्वास्थ्य चौकी निर्माण भएको हो। मिस वल्र्ड प्रतिस्पर्धाका लागि ब्युटी विथ पर्पोजका रूपमा मिस वल्र्डमा प्रभावशाली प्रस्तुति दिएकी शृंखलाले स्वास्थ्य चौकी निर्माण गरेकी थिइन्।

टोलीले मिस वल्र्डमा ब्युटी विथ पर्पोज जितेको भिडियोमा देखाइएको मकवानपुर भ्रमण गरेको हो। करिब ५५ लाख लागतमा निर्माण भएको स्वास्थ्य चौकीको मंसिर ६ गते बाग्मती प्रदेशका उद्योग, पर्यटन, वन तथा वातावरणमन्त्री अरूण नेपालले उद्घाटन गरेका थिए।

यो पनि पढ्नुहोस :   नमस्ते पाल्पा परिवार कोरियाको अध्यक्षमा भण्डारी

स्वाथ्य चौकी अवलोकनपछि मिस वल्र्ड अध्यक्ष मोर्लेले बर्थिङ सेन्टर चलाउन आर्थिक सहयोगको प्रतिबद्धता व्यक्त गरिन्। कार्यक्रममा बाग्मती प्रदेश सांसद मुनु सिग्देल, संविधानसभा सदस्य गोविन्दराम चेपाङ, हेटौंडा उपमहानगरकी उपमेयर मीनाकुमारी लामा, कैलाश गाउँपालिका अध्यक्ष टंकबहादुर मोक्तान, उपाध्यक्ष सुकुमाया थिङ, मनहरी गाउँपालिका अध्यक्ष एकराज उप्रेती, उपाध्यक्ष मनिला विष्टलगायत जनप्रतिनिधिको सहभागिता थियो। मिस वल्र्ड–२०१९ विजेता सिंह बिहीबार नेपाल आएकी हुन्। संस्कृति, पर्यटन र नागरिक उड्डयन मन्त्रालयको निमन्त्रणामा नेपाल आएकी सिंहसँग मिस वल्र्ड आयोजक अध्यक्ष मार्ले र निर्देशक स्टिभ डग्लससमेत नेपाल आएका हुन्।

जनवरीमा मिस नेपाल आयोजक हिडेन ट्रेजरले मोर्ले र मिस वल्र्ड विजेतालाई उसको २५औं वार्षिकोत्सवमा निमन्त्रणा गरेको थियो। सोही निमन्त्रणा मान्न उनीहरू नेपाल आएका हुन्। दुई संस्थाबीच २३ वर्षदेखिको सुमधुर सम्बन्ध रहँदै आएकोमा हाल आएर पहिलोपटक मिस वल्र्ड अर्गनाइजेसन अध्यक्ष तथा मिस वल्र्ड नेपाल भ्रमणमा आएका हुन्। नेपाल भ्रमणको क्रममा मिस वल्र्ड अर्गनाइजेसन समूहले नेपालले मिस वल्र्ड प्रतियोगिता आयोजना गर्ने सम्भावनालाई ध्यान दिनेछ।

गीतकार सतिश चापागाईंका मनछुने गीतहरु

Leave a Reply

Your email address will not be published. Required fields are marked *

हाम्रा सहकार्य