आइतबार, १६ चैत २०७६
Sun, 2020-03-29
Open Nav

न्युयोर्कमा २१४७औं झिवा लोसार सहित बिबिध कार्यक्रम

३० फाल्गुन २०७६, शुक्रबार न्युयोर्कमा २१४७औं झिवा लोसार सहित बिबिध कार्यक्रम

 

न्युयोर्क । अमेरिकामा बसोबास गरिरहेका तोक्पेगोला (ढोक्प्या) समुदायले न्युयोर्कस्थित क्विन्स प्यालेस क्विन्समा भब्यताका साथ २१४७औं झिवा लोसार साँझ मनाएका छन् ।

तोक्पेगोला समाज सेवा समिति काठमाडौंको प्रवास शाखा ढोक्प्या किदुक उत्तर अमेरिका न्युयोर्कका अध्यक्ष गोवा ढोक्प्याको अध्यक्षतामा गत ७ मार्चमा ‘भाषा, धर्म र संस्कृतिको संरक्षण गरौं, आफनो पहिचान कायम राखौ’ भन्ने नारासहित झिवा लोसार साँझ मनाइएको हो ।

कार्यक्रममा नेपाल आदिवासी जनजाति महासंघ अमेरिका (फिप्ना) का अध्यक्ष लोक चेम्जोङ लिम्बू प्रमुख अतिथि थिए ।

ढोक्प्या समुदायका औतरी लामा लोब्साङ खेटुक र लामा कासाङ छोम्वेले संयुक्त रुपमा वौद्घ धर्म परम्परा अनुसार पुजापाठ गरी कार्यक्रमको शुभारम्भ गरिएको थियो । कार्यक्रमको औपचारिक उद्घाटन चेम्जोङले पानसमा दियो बालेर गरेका थिए ।

किदुकका उपाध्यक्ष ङिमा ढोमा ढोक्प्याले स्वागत मन्तव्य राखेर अघि बढेको कार्यक्रममा ढोक्प्या समुदायको परम्परागत स्याव्रु नाच प्रस्तुत गरिएको थियो ।

कार्यक्रमको सञ्चालन किदुकका सचिव ज्याल्जेन ढोक्प्याले गरेका थिए ।

कार्यक्रममा किदुकका सल्लाहकार डण्डु ढोक्प्याले नेपालमा आदिवासी जनजातिहरुले पहिचानको मुद्दालाई निरन्तर उठान गरिरहेको र प्रदेशहरुको नामाकरण पहिचानको आधारमा हुनुपर्ने र प्रदेशभित्र अल्पसंख्याक आदिवासी जनजातिहरुको स्वशासन सहितको स्वयत्त क्षेत्रहरु हुनुपर्ने मागलाई निरन्तर उठान गरिरहेको बताए ।

प्रवासमा रहेका आदिवासी जनजाति लगायत आम नेपाली समुदायले पुस्तौ पुस्तासम्म आफ्नो पहिचान कायम राख्न आफ्नो भाषा, धर्म, संस्कृति र परम्परालाई नयाँ पुस्तामा हस्तान्तरण गर्नुपर्नेमा उनले जोड दिए ।

कार्यक्रमका प्रमुख चेम्जोङले नेपालको संघीय प्रणाली पहिचानको आधारमा हुनुपर्ने र नेपालको सामाजिक, भाषिक, संस्कृतिक र समुदायगत विविधता अनुसारको राज्य संरचना, संविधान र ऐन कानुन निर्माण हुनुपर्ने बताए ।

उनले वर्तमान सरकार आदिवासी जनजातिहरुको आवाज सुन्नै नचाहाने र देशको सुन्दर विविधतालाई तहसनहस पार्न अग्रसर भइरहेको आरोप लगाए । अधिकारका लागि आदिवासी जनजातिहरु एकजुट हुनुपर्नेमा उनले जोड दिए ।

यो पनि पढ्नुहोस :   नविन रायमाझीद्वारा नेप्लिज डायस्पोरालाई शुभकामना

उनले अहिले संयुक्त राज्य अमेरिका राट्रिय जनगनाणाको संघारमा भएको हुँदा सबै नेपालीहरुले राट्रिय जनगनाणामा गम्भीर भएर सहभागिता जनाउनुपर्ने बताए ।

कार्यक्रममा विभिन्न क्षेत्रमा स्पोन्सर गरी संस्थालाई सहयोग गर्ने सहयोगदाताहरुलाई प्रमुख अतिथिमार्फत धन्यवादसहित खादा र प्रमाण–पत्र प्रदान गरिएको थियो ।

कार्यक्रमका सभापति एवं सस्थाका अध्यक्ष ढोक्प्याले अमेरिकामा ढोक्प्या समुदाय थोरै संख्यामा भए पनि संस्था गठन गर्न सफल भएको र संस्था गठन भएदेखि हासम्म निरन्तर हरेक वर्ष लोसार साँझ कार्यक्रम आयोजना गर्दै आएको बताए ।

उनले हरेक वर्ष ढोक्प्याहरुको अनुरोधलाई सहर्ष स्विकार गरी लोसार साँझलाई भव्यरुपमा सम्पन्न गर्न सहयोग गर्नुहुने सबै सहयात्री संस्था, अभियान्ता, अतिथि र सहभागीहरुलाई धन्यवाद दिए ।

उनले लोसार साँझ कार्यक्रमलाई भव्य रुपमा सम्पन्न गर्नका लागि संस्थाको कार्यसमिति सदस्य र ढोक्प्या समुदायका विभिन्न सहयोगदाताहरु, खाद्य पदार्थ, खाना, पानी, पेय पदार्थ, खादा, ध्वनी प्रविधि लगायत सबैलाई धन्यवाद दिए ।

औपचारिक कार्यक्रम छोटो गरी सम्पन्न गरी नेपाली कलाकार संघ अमेरिकाका अध्यक्ष सुमन बुढा मगरसहितको टोलीले विभिन्न सांस्कृतिक कार्यक्रम गरी मनोरञ्जन प्रदान गरेको थियो ।

 

 

Leave a Reply

Your email address will not be published. Required fields are marked *

हाम्रा सहकार्य