अन्तराष्ट्रिय नेपाली साहित्य समाज (अनेसास)अमेरिकाको केन्द्रिय समितिको निर्वाचन सकिए लगत्तै बोर्ड अफ ट्रष्टीको लागि को उठ्ने भनेर छलफल शुरु भएको छ । अहिले बोर्ड अफ ट्रष्टीको अध्यक्षमा ३ जनाको नाम चर्चामा आएको छ । जसमा श्याम कार्की, गीता खत्री र पुरुषोतम सुबेदी रहेका छन् । उनीहरु मध्ये कार्की अहिले पनि अध्यक्ष छन् र दोस्रो कार्यकालका लागि ईच्छा प्रकट गरेका छन् । त्यस्तै, गीता खत्री अहिले उपाध्यक्ष छन् । सुबेदी अघिल्लो पटक श्याम कार्कीसंग प्रतिस्पर्धा गरेका र पराजित भएका थिए । संस्थाको बिधानमा दुई कार्यकाल उठ्न पाउने नियम रहेकोले आफु फेरी उठ्न खोजेको श्याम कार्कीले नेप्लिज डायस्पोरालाई बताए । तिनजनाको चर्चा भईरहेको बेला मिलेर जाने सम्भावना के छ भनेर डायस्पोराले राखेको प्रश्नमा कार्कीले त्यो सम्भावना रहेको बताए । उनले भने, "म संगै लडेर पराजित भएको र पहिला पनि धेरै काम गरेकोले पुरुषोत्तम सुबेदीलाई छोड्न म तयार छु ।" उनले भने तर एक पटक मलाई नै दिनु पर्ने हो किनकि मैले राम्रो काम गरेको छु ।" गीता जी ले छाडेमा म पनि छाड्छु नत्र म पनि चुनावमा जान्छु श्याम कार्कीले भने । समाजको चुनाब यहि डिसेम्बरको पहिलो हप्ता हुने बुझिएको छ । संस्थाको उपाध्यक्ष पदमा र बलराम थापाको नाम चर्चामा आएको छ । पदम विश्वकर्मा भर्खर सकिएको कार्यसमितिको अध्यक्ष हुन् । उनले अध्यक्षमा चार बर्ष बिताएका हुन् ।