पाल्पा, २०८० बैसाख २ ।
लघुकथा चौतारीले नयाँ वर्ष लाग्दा लाग्दै साहित्यिक भेटघाट कार्यक्रम अनुष्ठित गरेको समाचार लघुकथाकार गीता चापागाईंले नेप्लिज डायस्पोरा अनलाइनलाई जानकारी गराउनु भएको छ ।
लघुकथाकारहरूको समुपस्थितिमा रमाइलो किसिमले मनाएको नयाँ वर्ष २०८० को भेटघाट कार्यक्रम लाग्दो बैसाखको दिन पशुपतिको सिद्धाचल, मृगस्थलीमा लघुकथा वाचन तथा शुभकामना आदानप्रदान गरेर मनाएको छ ।
लघुकथा चौतारीका अध्यक्ष योगप्रसाद उपाध्याय चापागाईको अध्यक्षता सम्पन्न भएको कार्यक्रममा प्रमुख अतिथि हुनुहुन्थ्यो साहित्यप्रेमी मदन पोखरेल । कार्यक्रममा लघुकथाकार अन्जु शर्मा, हाम्रो लघुकथा पाठशालाकी एडमिन वन्दना घिमिरे, योगप्रसाद उपाध्यय चापागाईंले लघुकथा वाचन गर्नु भएको थियो । लघुकथा लेखन विधाबारे इन्दिरा चापागाईंले मन्तव्य राख्नु भएको थियो । त्यसै गरी लघुकथाकार वन्दना घिमिरेले चौतारीमा वाचन गरिएका सम्पूर्ण लघुकथाहरूको समीक्षा गर्नु भएको थियो । प्रमुख अतिथि मदन पोखरेलले शुभकामना शब्दसँगै चौतारी भेटघाट र साहित्यको महत्त्व प्रकाश पार्नु भईको थियो ।
लघुकथा सौन्दर्यका एडमिन श्रीराम राईले सञ्चालन गरेको कार्यक्रममा गीता शर्मा चापागाईं, इन्दिरा चापागाईं, दुर्गा के.सी.ले शुभकामना मन्तव्य दिनु भएको थियो ।
लघुकथा वाचन कार्यक्रम बटुवा तथा स्रोताहरूले निकै समेत निकै चाखपूर्वक सुनेका थिए । छोटो भए पनि कार्यक्रम निकै मीठो अनि स्मरणीयरहेको थियो ।
कार्यक्रमका केही महत्त्वपूर्ण तस्विर झलकहरू :
