पाल्पा २५ मंसिर २०८० ।
गत २०८० साल कार्तिक १७ गतेका दिन जाजरकोटलाई केन्द्रबिन्दु बनाएर ६.४ म्याग्नेच्यूटको भूकम्पले जाजरकोट र पश्चिम रुकुममा भौतिक तथा धनजन क्षति भै कयौ मान्छेको ज्यान गुमाउनुका साथै कयौ घाइते भएको सबैलाई विदितै भएको कुरा हो छ ।
उक्त भूकम्प पीडितलाई राहतको लागि यस मगर संघ हङ्कङको पहलमा आर्थिक सङ्कलन गरी हङ्कङ डलर २७,३६०/- अथवा नेपाली रुपैयाँ ४ लाख ८१ हजार ५ सय ५० बराबरको राहत सामाग्री खरिद गरी भूकम्प प्रभावित क्षेत्रमा पुगेर नेपाल मगर संघ केन्द्रीय समितिको अध्यक्ष श्री ज्ञानेन्द्र पुन मगर ज्यूको नेतृत्वमा मिति २०८० मंसिर २०-२१ गतेका दिन उहाँहरू मार्फत राहत वितरण गर्नु भएको थियो ।
यस राहत कार्यक्रमको लागि हस्तान्तरण गरी सहयोग गर्नु हुने मगर संघ केन्द्रीय समिति र आर्थिक सहयोग गर्नु हुने सम्पूर्ण दाता ज्यूहरूलाई मगर संघ हङ्कङ्को तर्फबाट हार्दिक धन्यवाद ज्ञापन व्यक्त गरेको कुरा यस सस्थाका महासचिव झलक थापा मगर ज्यूले बताउनु भयो ।
