काठमाडौँ – जीवन थापा मगरको पहिलो प्रयासमा ‘आउछु म फर्केर’ बोलको मार्मिक लोक आधुनिक गीत सार्वजनिक भएको छ । थापाको आफ्नै शब्द र आवाजमा रहेको गीतलाइ बिपन थापा मगरले संगीत र बिशाल निरौलाले एरेन्ज गरेका छन्। गायक थापा चर्चित लोक तथा दोहोरी गायिका मुना थापा मगरको आफ्नै कान्छा भाइ हुन्। ‘बोल माया’ गीतका गायक तथा मोडल प्रकाश सपूतको निर्देशनमा बनेको भिडियोमा उनै सपूत र रियाषा दाहालको अभिनय देख्न सकिनेछ । भिडियोलाई करण चैसिरले खिचेका हुन् भने सम्पादन मनोज कार्की गरेका छन्। भिडियोमा गरिब भएर हेपिनुको पिडाका साथै बिदेशिनु परेको बाध्यतालाई उजागर गरिएको छ । गीतको आधिकारिक भिडियो गायिका मुना थापाको युट्युव च्यानलबाट अपलोड गरिएको छ।   https://youtu.be/7iDYkLPJc_k