अनिल आचार्य साउदी अरब गैरआवासीय नेपाली संघ (एनआरएनए)को साउदी अरबबाट एक मात्र आइसीसी सदस्य पदकालागि रियादस्थित नेपाली राजदुतावासको प्रांगणमा आज भएको चुनाबमा पुर्ब अध्यक्ष नारायण पासवान चुनिनु भएको छ । कुल खसेको १३६ मत मध्य ११८ उहाको पक्षमा खसेको थियो भने १८ मत बदर भएको थियो । उहाकी प्रतिद्वन्दी पुर्ब उपाध्यक्ष उषा केसीको पक्षमा भने एउटा पनि मत खसेको थिएन र उहा चुनाबी प्रक्रियामा अनूपस्थित रहनु भएको थियो । एनआरएनए साउदीको बिधान अनुसार प्रत्यक्ष उपस्थिति हुन नसक्ने मतदाताहरुको हकमा भने एसएमएस भोटिंग ब्यबस्था अनुसार, प्रतक्ष्य तर्फ ८१ मत खसेको थियो भने एसएमएस प्रणालीबाट ५५ मत प्राप्त भएको थियो । यसका साथै साउदी अरबमा एनआरएनएको चुनाबी सरगर्मी आजबाट समाप्त भएको छ भने साउदीबाट आइसीसी डेलिगेटसको रुपमा को-को जाने भन्ने बहस सुरु भएको छ । त्यसो त बितेका कार्यकालमा साउदी अरबलाई आइसीसीले त्यति महत्व दिएको देखिदैन तैपनि यसपटकको एनआरएनए साउदी अरबको रास्ट्रिय महाधिबेसनमा आइसीसीका बर्तमान उपाध्यक्ष तथा आउदो आइसीसी २०१९-२०२१ कार्यकालकालागि अध्यक्ष पदका उम्मेदवार कुमार पन्तको उपस्थितिले नै साउदी अरब पनि आउदो माहाधिबेशनमा महत्वपूर्ण भूमिका खेल्न सक्छ भन्ने बिस्व-समुदायलाई आभाष गराइसकेको छ । यसपटकको आइसीसी २०१९-२०२१ कार्यकालकालागि साउदी अरबले पनि मध्यपुर्ब उप-संयोजकमा आफ्नो दाबेदारी पेश गरिसकेको छ । तस्बीरहरु: शुक्र मोक्तान