अमेरिकामा रहेका नेपाली गायक राजु ढुङेललाई भारतमा अबार्ड मिलेको छ । 

प्रबासी मन्च भारत र भारतीय पिक्चर्सको आयोजनामा भएको विशेष कार्यक्रममा ढुङेललाई अवार्ड प्रदान गरिएको हो ।

कलाकार ढुङेल केहि बर्षदेखि अमेरिकामा बस्दै आएका छन् ।

उनले बजारमा ल्याएको यो बर्षको चर्चित बिबाह बिशेष नौमती पन्चे बाजा 'जन्मघर' गीतबाट भारतको चन्डिगढमा आयोजित कार्यक्रममा अन्तरास्ट्रीय अवार्ड हात पार्न सफल ढुङेलले विभिन्न बिधाका गीत गाउने गर्छन र उनी चर्चित बाद्यबादक पनि हुन् ।

अकबरी सुन एल्बम बाट सन् १८ इमेज अबार्ड हात पारेका ढुङेलले मारुनि भाका जोर मादलबाट २० औ इमेज लगायत बिभिन्न अवार्ड बटुलिसकेका छन् ।

२०५७ सालको अधिराज्यब्यापि लोकगीत सम्मेलनमा 'भेट भो यो साल, धेरैपछि मायालाइ र भेटियो केछ हौ तिम्रो हाल्चाल' बोलको गितमा अभय ढुङेल र राजु ढुङेलको उत्कृष्ट स्थान हासिल गरेका थिए । रेडियो नेपालमा स्वर पाससगै बिगत २० बर्ष अगाडि अभय ढुङेलको गिति अल्बम पुर्बेलि कान्छो भाग १-२ सुपारि जाइको माला घर हाम्रो पुर्बतिरै हो जस्ता गीतहरु स्वर दिईसकेका छन्।

नेपाल रहंदा सयौं गीतमा विभिन्न प्रकारले जोडिएका ढुङेल अमेरिका आएपछि पनि गीतसंगीतमा सक्रिय छन् । उनले अमेरिकामा आईसकेपछि पनि गीतसंगीत गरिरहेका छन् । 

प्रवासमा रहंदा गरेको कामबाट भारतमा रहेका नेपालीहरुले स्थापना गरेको प्रतिष्ठित अवार्ड हात पार्न पाउंदा आफू अति नै खुशी भएको ढुङेलले नेप्लिज डायस्पोरालाई बताए ।

ढुङेल अमेरिकाको मेरिल्याण्ड राज्यको बाल्टिमोर सहरमा परिवारसंग बस्दै आएका छन् । बाल्टिमोरका सांगीतिक कार्यक्रमहरु उनीबिना अधुरो हुने गर्दछ ।  उनी ईनास अमेरिकामा सक्रिय छन् ।