न्युयोर्क ४० औ विश्व पर्यटन दिवसको सुअवसरमा कन्सुलेट जनरल अफ नेपाल, आदिवासी जनजाती महासंघ र ट्राभल ब्यूरो अफ नेपालको आयोजनामा “भिजिट नेपाल २०२०” लाई विशाल प्रचार र प्रसार गर्ने अभियानमा विश्व कै सर्वाधिक पर्यटकीय स्थल न्युयोर्कको टाईम स्क्वायरमा हालै एउटा कार्यक्रमको साक्षात्कार हुने अवसर पाईएको थियो । उक्त कार्यक्रममा संचालिका गर्नु हुने मिस नेपाल युनिभर्स २०१७ कि नग्मा श्रेष्ठ लगायत स्थानीय कलाकारहरु सन्जिता कोईराला, कविना महर्जन, सरिना महर्जन, प्रेम गोपाल महर्जन साथै न्हुच्छे डंगोल र गोपाल महर्जनले नेपालको सॉस्कृतिक झल्काउने विभिन्न नृत्य, बाजा र लाखे नाच प्रस्तुत गर्नु भएको थियो भने स्थानीय न्युयोर्क र न्युजर्सी आसपास बस्नु हुने नेपाली दाजुभाई तथा दिदीबहिनीको पनि उपस्थिती थियो । हुनत विगतमा पनि नेपाल भ्रमण बर्ष भनेर दुई पल्ट नमनाईएको त होईन तर यस्का निम्ती सरकारले गरेको लगानी र त्यस्को उपलब्धी के कस्तो रह्यो ? यस्को लेखाजोखा कसरी गरिएको छ ? भन्ने कुराले यस बर्षको पर्यटन भ्रमण बर्ष सार्थक रहनेछ । मैले यस अघि पोष्ट गरेको कुरा फेरी दोहोर्याउनु पर्दा बिस लाख पर्यटक भित्रयाउने खेलमा बरु कसरी बिस लाख कमाउने हो भन्ने षड्यन्त्र चैं नगरीए हुन्थ्यो भन्ने कुराले महत्व राख्दछ । म त भन्छु नेपालका लागी पर्यटक सात समुद्र पारी खोज्नुभन्दा पनि हाम्रा छिमेकी दुई मुलुकका पर्यटकहरु धार्मिक शहिष्णुता अन्तर्गत गौतम बुद्ध जन्मस्थल लुम्बिनी, बौद्ध स्तूप, स्यम्भुनाथ, पशुपतीनाथ, जानकी मन्दीर, पर्यटकिय शहर पोखरा र मुक्तीक्षेत्रको मात्र प्रचार र प्रसार गर्न सके पर्यटक थामी नसक्नु हुनेछन् । युरोप रअष्ट्रेलियाबाट १० घण्टा र अमेरिका क्यानाडाबाट २५ घण्टा हवाईजहाज़ फेरी फेरी यात्रा गरी नेपाल घुम्न आउने जबरजस्त पर्यटकहरुले खेप्नु पर्ने सास्ती र नेपालको विविध अस्तव्यस्ताले पर्यटक एक पल्ट पुगे पनि अर्कों पल्ट पुग्छ पुग्दैन प्रश्न यहॉ नेर खड़ा छ । हामीले दैनिक देखेको र भोगेको पर्यटकहरु प्रति गरिने व्यवहारलाई संझेर म यहॉ मन अमिलो पारेर खिन्न पार्न खोजेको होईन तर यो यथार्थ हामीले स्वीकार्नै पर्दछ । मैले विगतमा सुझाएका र कहिल्यै नेपाल नपुगेका एक अमेरिकी नागरिकलाई नेपालबाट फर्के पछिको उनले सुनाएको परिदृश्य एउटा नेपाली भएको नाताले नतमस्तक भएको कुरा आज आफैंलाई संस्मरण गर्दछु । थाह छैन ! न्युयोर्कको टाइम्स स्कवायरमा भएको यो प्रदर्शनीले अमेरिकाबाट नेपाल भ्रमण बर्ष २०२० मा के कति पर्यटक तान्न सक्यो वा सकेन तर यो कार्यक्रमको समाचारले मात्र दिल्ली -मुम्बई अनि पेकिड० र शँघाईमा वज़नदार सन्देश चैं दिन सकेको छ भन्ने मैले ठानेको छु । भ्रमण बर्ष २०२० को सन्दर्भमा नेपाल सरकार र यस्मा आबद्द विभिन्न सामाजिक संघ संस्था, व्यक्ति विशेषहरुले एक आपसमा समन्वय गरी उपलब्धीमुलक योजना र कार्यक्रम गरी सम्पन्न गर्न सकेको खण्डमा यो नाराको सार्थकता ठहरिने छ । अस्तु !