गायक रामकृष्ण ढकालको अमेरिकाका बिभिन्न शहरमा एकल कार्यक्रम तय भएका छन् । ढकालका अनुसार यहि अक्टुबर १९ मा क्यालिफोर्नियामा कार्यक्रम हुने भएको छ ।"क्यालिफोर्नियाको लस् एन्जल्समा कार्यक्रम हुनेछ" ढकालले भने । यो कार्यक्रममा दिपेश किशोर भट्टराईले पनि ढकाल संगै प्रस्तुति दिनेछन । यसैगरी २६ अक्टुबरमा ओहायोको एक्रोनमा अर्को कार्यक्रम हुनेछ । ओहायोको कार्यक्रम भुटनीज कम्युनिटी एशोसियसनले गरेको छ । यो कार्यक्रमको स्पोन्सर ब्यबसायी दिल्ली अधिकारीको ब्यबसायिक संस्था 'इन्ट्रा होम केयर सर्भिर्सेज'ले गरेको छ । ढकालको व्यस्तता यति मै सकिदैन । उनको अर्को कार्यक्रम नोभेम्बरको २ मा मेरिल्याण्डको बाल्टिमोरमा र ३ तारिखमा न्यु ह्याम्सारमा हुने तय भएको छ । "यी कार्यक्रमहरुमा मैले मेरा लोकप्रिय गीतहरु प्रस्तुत गर्नेछु" ढकालले भने, "सबै स्रोताहरुलाई आफुलाई पायक पर्ने स्थानमा आएर सहभागी हुन अनुरोध पनि गरेका छन् । सबै कार्यक्रमको मिडिया पार्टनर नेप्लिज डायस्पोरा हो ।