संयुक्त राष्ट्र संघको CSW66 सेसनलाई नेपालको तर्फबाट सम्बोधन गर्न आएकी मन्त्री रेग्मी कार्यक्रम सकिएसंगै अमेरिकाका नेपालीहरुसंग भेटघाटको क्रममा छिन ।
यसै क्रममा मेरिल्याण्ड आएकी मन्त्रीलाई मेरिल्याण्डमा भव्य स्वागत गरिएको थियो । एनआरएनए मेरिल्याण्डका अध्यक्ष राजु पराजुलीले मन्त्रीको स्वागतमा दिवा भोजको आयोजना गरेका थिए । नेपाली कांग्रेस पर्बतका युवा नेता जितेन गुरुंगले संयोजन गरेको यो कार्यक्रममा मेरिल्याण्ड राज्यमा सक्रिय सामाजिक संस्थाका प्रतिनिधीहरु र सामाजिक व्यक्तित्वहरुको उपस्थिती थियो ।
भेटघाट कार्यक्रममा नेपाल सरकारका सचिव हरि प्रसाद मैनाली सहसचिव रोशनी कुमारी, महिला नेत्रृ गीता भट्टराई र मन्त्रीकी स्वकिय सचिव हिमांक भण्डारीको पनि उपस्थिती थियो ।
कार्यक्रममा मन्त्री रेग्मीले मेरिल्याण्डमा रहेका नेपालीहरुको बारेमा जिज्ञासा राखेको र यहाका नेपालीहरुले मन्त्री समक्ष नेपालको बर्तमान राजनीति र विकासका बारेमा चिन्ता र चासो राखेको एनआरएनए मेरिल्याण्डका अध्यक्ष राजु पराजुलीले नेप्लिज डायस्पोरालाई बताए ।
कार्यक्रम भव्य र सभ्य रुपमा सम्पन्न भयो । छोटो समयको निम्तालाई स्विकारेर आउनु भएका सबैप्रति आभारी छु । मन्त्री जी र स्वकिय सचिव हिमांक भण्डारीको टिमले यहांका नेपालीहरुप्रति देखाएको मायाबाट आफु प्रभावित भएको कार्यक्रमको संयोजन गरेका जितेन गुरुंगले बताए ।
सोहि क्रममा मन्त्री रेग्मीले मेरिल्याण्डका नेपालीहरुको संस्था बानाको भवनमा पनि नेपालीहरुसंग भेटघाट गरेको बुझिएको छ।
(नेप्लिज डायस्पोरा डटकम प्रवासमा रहेका नेपालीको कथा र व्यथामा आधारित अनलाइन हो । पसिना र सपना यसको मुख्य नारा हो । नुन किन्नदेखि नुन किन्ने बन्नसम्मका लागि हामी परदेशिएको ईतिहास हो । यही ईतिहासको गर्तमा टेकेर परदेशमा रहेर घरदेशको चिन्तासंगै परदेश मै आफ्नो जीवनचर्याका दैनिकी हाम्रा प्राथमिकता हुन् । तपाईसंग पनि केहि समाचार, विचार र रचनाहरु छन् भने [email protected] मा पठाउनु होला।)
