डाक्टर भगवान कोईरालासंग अमेरिकाको क्यालिफोर्नियास्थित सान् फ्रान्सिस्कोको बे एरियामा अन्तरक्रिया कार्यक्रम हुने भएको छ ।
बे एरियाका सबै सामाजिक संस्थाहरुको आयोजनामा यो कार्यक्रम राखिएको बुझिएको छ ।
कार्यक्रममा डाक्टर कोईरालाले नेपालमा बालस्वास्थ्यको क्षेत्रमा गर्नु भएको परिकल्पनाका बारेमा व्यापक छलफल हुने सामाजिक व्यक्तित्व तथा ब्यवसायी हरिहर दाहालले नेप्लिज डायस्पोरासंगको कुराकानीमा बताउनु भयो ।
"लाखौंको मनमा भगवान भएर बसेका डा. भगवान कोईराला बे एरियाको आँगनमा मे १७ तारिक, मंगलबार बेलुका हामीसंग बिशेष अभियानका साथ आउदै हुनुहुन्छ। कर्म र ब्यबहारले मान्छेका मनमा सगरमाथा जत्तिकै अग्लिनु भएका भगवानलाई छुने र वहाँका कुरा सुन्ने यो पबित्र भेटघाटमा यहाँ सप्पैलाई स्वागत छ।" हरिहर दाहालले आफ्नो फेसबुकमा लेख्नुभएको छ ।
