बाल्टिमोर/ अमेरिका

जापानमा जन्मेर जापान मै हुर्कदै गरेकी युमे अधिकारीले जापानको एउटा सौन्दर्य प्रतियोगीतामा प्रथम भएर अमेरिका आउने अवसर पाएकी छिन । उनका बाबुआमा नेपाली हुन ।

सन् २०२२ मा जापानमा भएको  प्रिटिन ब्युटि कन्टेस्टबाट छनौट भएपछि युमेको अमेरिका आउने ढोका खुलेको हो । १०देखि १२ वर्ष उमेर समूहका युवतीबीच यो प्रतियोगीता हुने गर्दछ ।

प्रतियोगीतामा छनौट भएका विभिन्न देशका युवतीहरुको बीचमा अन्तर्राष्ट्रिय प्रतियोगीता पनि हुने गर्दछ । सोही अन्तर्राष्ट्रिय प्रतियोगीताका लागि युमे अमेरिका आउने हुन ।

यो प्रतियोगिता ४० वर्षदेखि हुँदै आएको बताइएको छ । यो प्रतियोगिता मिसेस् फ्याबुलस अन्तर्गतको एउटा ब्रान्ड भएकोर यसले अन्तर्राष्ट्रियकरण एवम् सामाजिक योगदानका गतिविधिका साथै सौन्दर्य प्रतियोगिता आयोजना गर्दै आएकोयुमेकी अभिभावक तथा मामा कुशल धिताल बताउँछन् ।

उक्त प्रतियोगिता अमेरिकामा आगामी जुलाई २७ तारिख आयोजना हुने बताइएको छ । आफूले स्कुलको पढाईसँगै यस प्रतियोगीतामा तयारीको लागि समय दिएर मेहनत गरेका कारण सफलता प्राप्त गरेको बताउने अधिकारी आफ्नी आमाको प्रेरणा अनि ईष्टमित्रहरुको सहयोगले यहाँसम्म आइपुग्न सजिलो भएको बताउछिन ।

(Preteen pan Pacific Award winner )प्रथम हुँदै अमेरिकामा हुन लागेको विश्व प्रतियोगितामा जापानको तर्फबाटभाग लिन पाउने भएपछि जापान लगायत संसारभर उनको चर्चा चुलिएको छ ।

“छोरीको कारण नेपाल र नेपालीलाई नजिकबाट विश्वले चिन्ने अवसर पाएकोमा धेरै खुसी छु,” युमेकी आमा अञ्जना धिताल अधिकारीले भनिन।

प्रतियोगितामा समावेश हुन जापानबाट अमेरिका जान साथै प्रतियोगितामा निकै प्रतिस्पर्धा हुने र पूर्व तयारी तथा प्रश्क्षणका लागि ठूलो रकम खर्च हुने हुँदा विभिन्न संस्था र व्यक्तिहरुले जापानमा सहयोग गरिरहेको बुझिएको छ ।