नेपाली चलचित्र 'महापुरुष' मेरिल्याण्डको बाल्टिमोरका दुई वटा हलमा एक हप्तासम्म प्रदर्शन हुने भएको छ । नोभेम्बर ४ देखि ९ तारिखसम्म लाग्ने चलचित्रको व्यबस्थापकीय जिम्मा लमजुगं सेवा समाजले लिएको छ । स्थानीय होराईजन हलहरुमा यो चलचित्र चारदिनसम्म प्रदर्शन हुनेछ ।
"हरेक दिन एक शो लाग्ने गरी व्यवस्था मिलाएका छौं । एक हप्तासम्म प्रदर्शन हुनेहुदा यहांका सबैजनाले चलचित्र हेर्न पाउनु हुनेछ ।" लमजुगं सेवा समाज अमेरिकाका अध्यक्ष गणेश अधिकारीले नेप्लिज डायस्पोरासंग भने ।
धेरैले टिकटका लागि सम्पर्क गरिरहनु भएको छ । लमजुगं सेवा समाज अमेरिकाका उपाध्यक्ष राजेन्द्र थापाले जानकारी दिए ।
यो चलचित्र अत्यन्त राम्रो रहेको भनेर चलचित्र हेरेर फर्किएका नेपालका दर्शकहरुले प्रतिक्रिया दिईरहेका छन । नेपालमा यो चलचित्रको रिभ्यु अति राम्रो छ । चलचित्रले एक हप्तामा २० करोडको व्यापार गरिसकेको बताईएको छ ।
चलचित्र हेर्न सपरिवार हलमा जान सकिने पनि सबैको प्रतिक्रिया छ ।
