आईतबार मेरिल्याण्डका दुई हलमा महापुरुष हेर्ने दर्शकको घुईचो थियो । होराईजन सिनेमाका दुई हलले यो चलचित्रको टिकट सोल्ड आउट भएको साईन नै राख्नु पर्यो ।
मेरिल्याण्डमा लमजुगं सेवा समाज अमेरिकाले चलचित्र प्रदर्शनको जिम्मा लिएको छ ।
नोभेम्बर ४ देखि मेरिल्याण्डका दुई हलमा चलचित्र महापुरुष चलिरहेको छ । अरुदिन हाउस फुल भएको थिएन तर आईतबार धेरै दर्शक आएका थिए ।
"हामीले थेग्नै सकेनौ । केही दर्शकहरु अरु दिन हेर्न आउछौं भन्दै फर्किनु भयो ।" समाजका उपाध्यक्ष राजेन्द्र थापाले नेप्लिज डायस्पोरासंग भने ।
नोभेम्बर ९ तारिख बिहिबारसम्म चलचित्र दुबै हलमा लाग्ने छ । अहिलेसम्म सबै खुशी भएर फर्केका कारण बांकी तीन दिन चलचित्रका दर्शक बढ्ने आशा आयोजकलाई छ ।
मेरिल्याण्डका दुई हलमा एउटै नेपाली चलचित्र एक हप्तासम्म प्रदर्शन भएको यो पहिलो पटक हो । सम्भवत: अमेरिका मै पहिलो हुनुपर्छ ।
