एनआरएनए अमेरिकाको निर्वाचन सम्पन्न भएको छ । निर्वाचनमा कुल १३ हजार ६ सय ९१ मतदाता मध्ये ११ हजार २ सय ६९ मतदाताले मतदान गरेको निर्वाचन समितिले जनाएको छ ।
यो कुल मतदाता संख्याको ८२.३१ प्रतिशत मतदान हो । मतदान उल्लेख्य मात्रामा भएको भएपनि आफ्नै मत हाल्न नपाएकाहरुले गरेको ईमेल र गुनासोको रेस्पोन्स गर्न निर्वाचन समितिले कुनै पहल नगरेको गुनासो पनि आएको छ ।
ईमेलमा आएको लिंकमा आफ्नै फेस रिड नभएपछि निर्वाचन समितिमा सम्पर्क गरेको र निर्वाचन समितिले जुमबाट रेस्पोन्स सुनेपछिपनि अर्को लिंक नपठाएका दर्जनौं गुनासो नेप्लिज डायस्पोरालाई प्राप्त भएको छ ।
फेस भेरिफिकेसन प्रणाली मार्फत यो मतदान भएको हो ।
मत परिणाम आउंन केही समय लाग्ने बताईएको छ ।
