मेरिल्याण्डको बाल्टिमोरमा सक्रिय टिईसी नेप्लिज समाजले बालबालिकाका लागि नेपाली भाषा कक्षा संचालन गरेको छ ।
भाषा कक्षा स्थानीय Woodbridge Elementary school मा संचालन छ ।
विद्यालयसंग समन्वय गरेपछि सो ईलेमेन्ट्रि स्कुलले कक्षा कोठा उपलब्ध गराएको समाजका अध्यक्ष ज्ञानेन्द्र श्रेष्ठले बताए । कक्षा कोठा नपाएर नेपाली भाषा कक्षा संचालन नगरेकाहरुलाई यो एउटा सिकाई नै हुनेछ की विद्यालयहरुले सामाजिक (नन प्रोफिट) संस्थाहरुलाई न्यूनतम मूल्यमा कोठा उपलब्ध गराउंछन ।
"धेरै समयदेखि नै यहांका अभिभावकहरुले आफ्ना छोराछोरीकी लागि स्कुल संचालन गर्ने बारेमा छलफल गर्दै आएका थिए । अघिल्लो बर्ष कक्षा संचालन गरेपनि व्यबस्थित हुन सकेको थिएन ।" एक अभिभावक खुशी हुदै बताए ।
जनबरीको पहिलो हप्ताबाट शुरु भएको स्कुलमा अहिले ३८ जना बालबालिका भर्ना भएका छन् । बालबालिकालाई पढाउन चार जना शिक्षक राखिएको छ । शिक्षकहरुले नियमित पढाउने छन् । त्यस्तै कक्षालाई व्यबस्थित गर्न पालो गरेर दुईजना अभिभावकले सहयोग गर्ने नियम बनाएको पनि टिईसी समाजका अध्यक्ष श्रेष्ठले बताए ।
अझै १५ जना बालबालिकाको नाम आएको छ । हामीले उनीहरुलाई पनि समावेश गर्न कोशिश गर्ने छौं । अर्को कक्षा पनि थप्नु पर्छ । त्यसका लागि प्रोसेस अगाडी बढाउछौं ।
कक्षामा बालबालिकाहरु अत्यन्त खुशी हुदै खेल्ने, पढ्ने र नेपाली सिक्ने गरेका छन् । २० जना त आउलान नी भनेर डराउदै शुरु गरेको कक्षामा ३८ जना भर्ना भएपछि टिईसीको कार्यसमिती दंग परेको छ । आफ्ना बालबालिकालाई नेपाली भाषा र संस्कृती सिकाउने कक्षा शुरु गरिदिएकोमा बच्चाका बाआमाहरु फुरुगं छन् ।
तपाई पनि त्यहीं नजिकै बस्नुहुन्छ भने कक्षा संचालन हुने स्कुलको ठेगाना यो हो:
Address: 1410 pleasant valley Dr. Catonsville, MD 21228
कक्षा प्रत्येक बुधवार बेलुका ५:३० देखी ७:३० सम्म संचालन हुने गर्दछ ।
