सानफ्रान्सिस्को (अमेरिका) 

गैर आवासीय नेपाली संघ, राष्ट्रिय समन्वय परिषद्, अमेरिका , क्यालिफोर्निया राज्य च्याप्टर , वेष्ट रिजन कमिटि, नेपाल आदिवासी जनजाती महासंघ, क्यालिफोर्निया लगायत क्यालिफोर्नियाको सक्रिय संघ संस्थाहरुको संयुक्त आयोजनामा अप्रिल १४ मा हुने नेपाल डे परेडको तयारी तिव्र गतिमा भैरहेको छ । नेपाल डे अघि अप्रिल १२ र १३ मा भलिवल प्रतियोगिता समेत  आयोजना गरिएको छ । 

सानफ्रान्सिस्को शहरमा यस अघि पनि नेपाल डे परेड आयोजना गरिएको थियो । अप्रिल ९ ,२०२२ मा आयोजना गरेको परेड मा ४००० भन्दा बढ़ी को सहभागी रहेको थियो ।

परेडमा नेपाली कला संस्कृति झल्कने झाँकी सहीत परेडको आयोजना गरिने एनआरएनए क्यालिफोर्निया च्याप्टर अध्यक्ष हरी ओझाले जानकारी दिए ।

अब प्रत्येक वर्ष नयाँवर्षको अबसर पारी कैलिफ़ोर्नियाको फरक फरक सिटी मा आयोजना गरीने कुरा अध्यक्ष ओझाले जानकारी दिए ।

भलिवल प्रतियोगितामा प्रथम हुने समूहलाई १२ हजार, दोस्रो हुने समूहलाई ७ हजार, तेस्रो हुने समूहलाई ५ हजार र चौथो हुने समूहलाई २ हजार नगद सहीत पुरस्कारको व्यवस्था गरिएको कन्भेनर तथा जनजाती महासंघ, क्यालिफोर्नियाका अध्यक्ष प्रकाश लामाले  जानकारी दिएका छन् । साथै आयोजकले सहभागि हुन चाहने टोलीलाई समुह दर्ता गर्न समेत आग्रह गरेका छन् । दर्ता शुल्क ५ सय राखिएको छ । 

परेडमा  कैलिफ़ोर्निया को संघसस्थाहरु आफ्नो आफ्नो ब्यानरमा र उपस्थित सबैजना नेपाली पोशाक आएर नेपाली झण्डामा उपस्थिति हुने कुरा आयोजकले जानकारी गराएको छ ।

परेडको लागी लगभग सम्पूर्ण तैयारी सकीसकेको र यो परेडले नेपाली समुदाय र कैलिफ़ोर्निया राज्य सरकारसंगको सम्बंधमा राम्रो घनिष्ठता बडने कुरा अध्यक्ष ओझाले बताउनु भयो ।