भिजिटर भिसामा अमेरिका आएकी काठमाडौंकी समिता श्रेष्ठ आएको दुई दिन मै दुर्घटनामा परिन । श्रीमानसंगै अमेरिका घुम्न आएकी श्रेष्ठ अहिले उपचारका लागि अस्पतालको बेडमा सुतिरहेकी छिन । श्रीमान सुन्दर श्रेष्ठ उनलाई कुरेर बसेका छन् ।
अमेरिका आएको दुईदिन पछि राजधानी डिसी घुमेर सांझ न्यू योर्कका जानका लागि जादैगर्दा मेरिल्याण्डको लरेलमा गाडी दुर्घटना भएपछि समितालाई गम्भीर चोट लागेको हो । झण्डै एक हप्ता होस गुमाएकी समिताको होस खुलेको छ र बोल्नसम्म सक्ने भएकी छिन ।
तर उनी हिडडुल गर्न भने नसक्ने भएकी छन् । उनलाई कुरेर बसेका श्रीमान सुन्दरका अनुसार समिताको कम्मरभन्दा मूनीको भाग चल्दैन । दिसा पिसाबको लागि पनि अरुको सहायता चाहिन्छ ।
मेरिल्याण्डको University of Capital region medical center मा समिताको उपचार भईरहेको छ ।
श्रीमान सुन्दर अहिले २४ सै घण्टा श्रीमतीको स्याहार सुसारमा खटिएका छन् । डाक्टरले समिताको उपचारका लागि छ महिनासम्मको समय लाग्न सक्ने बताएको छ । तर यो दम्पतिको अमेरिकामा न सम्पति छ न त नजिकका नातेदार र हितैषी साथीहरु नै । “शायद अर्को हप्ताबाट बाहिर बसेर थेरापीसहितको उपचार गर्नुपर्ने हुन्छ ।”सुन्दरले नेप्लिज डायस्पोरासंग भने, “अमेरिकामा मेर कोही छैन र केही छैन । कहिल्यै नजिनेका, नदेखेका र नबोलेका नेपालीहरुले शुरुका दिनदेखि सहयोग गर्नुभएको छ । म अति नै खुशी छु ।”
सुन्दरलाई अझै सहयोगको आवश्यकता छ । अमेरिकामा रहेका नेपालीहरुबाट थप सहयोग पाउनेमा उनी विश्वस्त पनि छन् । समिताको उपचारमा सहयोग होस भनेर एनआरएनए भर्जिनिया च्याप्टरले गोफण्ड मी एकाउण्ट खोलिदिएको छ । ५० हजार लक्ष्यसहित खोलिएको एकाउण्टमा ३५ हजार डलर संकलन भईसकेको छ ।
नेपालमा ६ बर्षका दुई जुम्ल्याहा छोराहरु परिवारलाई जिम्मा लगाएर हिडेका सुन्दर र समिताको जीवनमा आईपरेको यो जटिल समस्यामा अमेरिकामा रहेका नेपालीहरुबाट ससानो सहयोगको खांचो रहेको देखिन्छ । सहयोग गर्न चाहनेले तलको गो फण्डमी लिंकमा गएर सहयोग गर्न सक्नुहुनेछ।
.png)
