एसिया कप–२०२३ का लागि नेपाली राष्ट्रिय क्रिकेटर सन्दीप लामिछाने सोमबार पाकिस्तान जाने निश्चित भएको छ ।

नेपाल क्रिकेट संघका कार्यवाहक सचिव दूर्गाराज पाठकले सन्दीप सोमबार बिहान ११ बजे पाकिस्तान उड्ने बताए । सोमबार बिहान ११ः२० को कतार एयरवेजको फ्लाइटबाट सन्दीप पाकिस्तानका लागि उड्नेछन् ।

सन्दीपको मुद्दामा आइतबार पेसी तोकिए पनि हेर्न नभ्याइनेमा परेपछि सन्दीपको पाकिस्तान जाने बाटो खुलेको हो । सन्दीपको आगामी पेसी भदौ २१ गतेका लागि परेको छ ।

एसिया कपका लागि गत मंगलबार नेपाली टिम पाकिस्तान पुगेपनि सन्दीप भने टिममा थिएनन् । प्रतियोगिताको समूह ‘ए’मा रहेको नेपालले घरेलु टिम पाकिस्तान र भारतसँग खेल्नेछ । नेपालले पाकिस्तानसँग भदौ १३ गते र भारतसँग भदौ १८ गते खेल्ने तालिका छ ।