राष्ट्रिय क्रिकेट टोलीका ओपनर आसिफ शेखले भारतीय खेलाडी विराट कोहलीले खेलपछि ड्रेसिङ रुममा मजाक गर्दै क्याच छोडेकामा आफुले पनि एउटा मेडल पाउनुपर्ने भन्दै ठट्टा गरेको बताएका छन् ।
खेलपछि प्रशिक्षक मोन्टी देसाईको आग्रहका ह्याप्पी ड्रेसिङ रुम अन्तर्गत भारतीय खेलाडी तथा प्रशिक्षकले नेपाली खेलाडीलाई मेडल लगाइदिएका थिए ।
स्वदेश फर्किएपछि आसिफले कोहलीबाट मेडल लगाउँदा निकै गर्व लागेको र अन्त्यमा एउटा मेडल मलाई पनि दिनु पर्यो, मैले तिम्रो क्याच छोडेको थिए भन्दै मजाक गरेको बताए ।
हरेक खेलपछि टोलीका राम्रो प्रदर्शन गर्ने सदस्यलाई देशाईले मेडल लगाइ दिने चलनलाई निरन्तरता दिँदै यसपटक भारतीय खेलाडीको ड्रेसिङ रुम पुगेर उनिहरुलाई त्यस्तो आग्रह गरेका थिए ।
भारतीय खेलाडी हार्दिक पाण्ड्याले सोमपाल कामीलाई, प्रशिक्षक राहुल द्रविडले दिपेन्द्र सिंह ऐरीलाई र विराटले आशिफलाई मेडल लगाई दिएका थिए ।
.png)
