चीनमा हुने १९ औँ एसियाली खेलकुद प्रतियोगितामा सहभागि जनाउने नेपाली खेलाडीलाई प्रधानमन्त्रीको सरकारी निवास बालुवाटारमा बिदाइ गरिएको हो । 

प्रधानमन्त्री पुष्पकमल दाहाल प्रचण्डले एसियाली खेलका लागि नेपाली खेलाडीलाई चीनमा राम्रो व्यवस्थापन भइसकेकाले चिन्ता नलिन आग्रह गरे । यस्तै उनले खेलाडीलाई घोषणा गरेको पुरस्कार शुक्रवारको मन्त्रीपरिषद् बैठकबाट निकासा हुने बताए । 

देशमा आधुनिक सुविधा सम्पन्न रंगशाला बनाउने, कभर्ड हल बनाउने वा विभिन्न विधाका खेलहरुको निम्ति आवश्यक पर्ने पूर्वाधार निर्माणमा चीन भ्रमणमा खेल क्षेत्रकै प्रगतिका लागि उल्लेख्य पहल गर्ने प्रतिबद्धता जनाए ।

विश्वका ४५ देशको सहभागिता रहने प्रतियोगितामा नेपालको तर्फबाट २९ खेलमा १२७ जना महिला र १२६ जना पुरुष गरी २५३ जना खेलाडीले प्रतिस्पर्धा गर्ने तय भएको छ ।